قالوا عليا

قالوا عليا لما بعشق بدلق 

والعشق ايه غير امتزاج لذيذ

قالولى لا حاسب من حبك ليظلمك

انا قولت دايما قلبى خايب فى الحساب 

وازاى بس ياناس احب بالحساب

امسك لقلبى ورقة وقلم 

هجمع غلط هضرب غلط

قالوا ده بداية الغلط

حب بميزان ادى بحساب اعشق بعقل 

انا قلت يتجنن و-احب

ياما اقعد ...........اعد

عفوا ايها الرجل

عفوا اريد رجلا يعطينى  كل الحقوق 

لا اريد حربا معه ولا حربا مع احد

لأطمن انه لى 

ليكن ملكى بكل حب بكل دفء

بشوق بحنان

اعطيه بأمان ويعطينى باخلاص

ليكن زوجا واب وحبيب وعاشق 

رجلا أعشقه حتى النخاع

ادمنه حتى التوهان

المسه بحنان 

اشتاقه بلهفه

واتنفسه بعمق

احبه بذووووووووبان

حبيبى 
لنصعد الى القمر 
لن أخذ معى سوى حبات السكر 
وشتلات ازهارى المفضلة 
وغيمة خريف
ورائحة المطر 
واوراق وقلم
وعصفور 
مخدعى صدرك
ولباسى جسدك
وعطرى رائحتك
وطعامى شفاتيك
وشرابى شهدك 
وسكنى ووطنى أنت

اشتقت لنفسى

اكبر شوق احسه هذا الايام هو شوقى لنفسى
تلك الطفلة المجنونة البريئة الضاحكة الحالمة
................هكذا آراها...............
اشتقت لمشاعرى البريئة

لنظرتى المليئة بالامل لبكرة مهما يحصل 
سئمت من هذة المراه الامبالاية بما يحدث
اليائسة من كل شىء
التى لايحركها اى حدث 
لاتفرح ولاتتوقع الا الالم
الروتنية 
الضاحكة بسخرية من كل شىء
ضحكة كده ملهاش طعم مرسومه على شفايف وبس
نفسى ارجع لها
واحشتنى اوى
لا اعرف ما الذى اوصلنى لتلك الحالة
بل اعرف لقد استطاعت كمية الالم
 التى مررت بها الى تحطيم كل وسائلى الدفاعية
اول كتباتى عنها ايقنتنى ان بداخلى  رغبة فى الدفاع عن نفسى 
ياليتنى انجح فى ان استعيد نفسى مره اخرى 

حلمك اللى شكله مستحيل
 و انت شايفه مستحيل 
والناس شايفاه مستحيل
 اوعى ترميه وراك 
لانه ممكن اوى يبقى مش مستحيل

حالمه

ياحلم

ياحلم ياللى من كتر ماحلمت بيك ومتحققتش
بقيت بخاف حتى احلمك
ياحلم ياللى بقيت عالى وبعيد عنى
هتيجى ولا مش مكتوبلى اعيشك
ياحلم ياللى خلتنى ايام اضحك ويبقى عندى امل
خلتنى ايام ابكى ومعرفش الا الملل
ياحلم ياللى قلبت حياتى ومطلعتش يوم من راسى
هتيجى تعدلها ولا هفضل بردو ااقاسى
ياحلم ياللى مبقش حتى عارفه احلمك
تعاله بقا وعيشنى
ياحلم ياللى يوم ماهتيجى
هعرف اعيشك ولا مش هعرف أحس بطعمك
ياحلم يابو وش جميل
هضحك وابتسم واشوف بعيون حلوه يمكن تيجى
وحتى لو مش جاى كفايه انى عرفت يوم احلم بيك